De police in trouble already before de Linden Commission but some of dem can’t learn. De Chief Justice dress like an ordinary man and walk in de Police station because somebody try fuh kidnap he friend. In de station he sit down by a desk.Up come a constable and put he foot in he mouth and de force in trouble. He look at de Chief Justice and he seh,wholesale jerseys, “Hey Chinee man,Jerseys NFL Cheap, get up. That is me seat.” De whole station get quiet and de constable still ain’t understand.When de Chief Justice get up he barely see a policeman pulling de constable one side and trying fuh whisper but de constable feel big and he pull he self away. But when one of he colleagues holler “Is de Chief Justice that” de constable like he get a stroke. He couldn’t move.De next thing everybody see is some water deh by de constable foot. And nobody didn’t’ drink water. De same thing happen when Uncle Donald call de Auditor General. Is only de other day de man hand in he report and now he get a call from Ohh Pee. Water lodge by he foot too.Is then Uncle Donald tell he that he get confirm in de wuk. Dem boys couldn’t believe it when dem see more water by de man foot.He ain’t de only one. A teacher in a? school near wheh Trini get shoot do de same thing. She was teaching when de gunshots go off. De boys had to ask if everybody drink excess water. One lady who tun up at de scene faint. She didn’t get time fuh water lodge by she foot.And people always complain how dem can’t drink water in Guyana.Talk half and watch people produce water like rain.